УИХ-ын гишүүн Ш.Бямбасүрэнгийн аав УИХ-ын гишүүн агсан Ц.Шинэбаярын хөрөг номыг эмхлэн гаргажээ.
Энэ талаар УИХ-ын гишүүн Ш.Бямбасүрэн, "“Цэндийн Шинэбаяр: Намтар, замнал, үйл хэрэг, үзэл санаа, түүхэн баримт” хөрөг номын хурим дурсамж талархал дүүрэн болж өнгөрлөө. Боловсрол мэдлэгийг дээдэлж, эрдэм номд шамдан суралцахыг үр хүүхэд, ахан дүүстээ алхам тутамд үлгэрлэж явдаг хайрт аавын минь түүх дурсамжийн энэхүү номын хуримд хүрэлцэн ирсэн хүндэт зочдодоо талархал илэрхийлье.
Аав минь баялаг намтар, бардам замнал, бахархам үйл хэрэг, баларч үл арилах үзэл санааг бидэнд үлдээжээ. Түүний эрчим хүчний салбарын инженерээс Улсын Их Хурлын гишүүн хүртэлх амьдралын түүхийг он цагийн дарааллаар өгүүлж, мөн түүнтэй хамт ажиллаж байсан хүмүүсийн дурсамж, хэвлэлд өгсөн ярилцлага болон хэлсэн үгийг нь түүвэрлэж баринтагласан эгч Төмөр Тунгалагтаа баярлалаа" гэжээ.
