Монголд анх удаа хип хоп урсгалын өнгө төрхийг мэдрүүлж байсан “Хар тас" хамтлаг үүсэн байгуулагдсаны 33 жилийн ой энэ жил тохиож байна.
Тэгвэл "Хар тас" хамтлаг 33 жилийн ойн баяраа тохиолдуулж 2024.12.07-ны өдөр "Буянт ухаа" спорт цогцолборт тоглолтоо хийх гэж байна. Энэхүү тоглолтод дэлхийн алдарт SNAP хамтлаг хүрэлцэн ирэх ажээ. "Хар тас" хамтлаг хөгжмийн ритм, бүжгийн хөдөлгөөн, хувцаслалт имижээрээ 1990-ээд оны эхэн үеийн залуусын шүтээн болж байсан. Мөн нийгэмд хөгжмийн энэ урсгалыг үл ойшоодог байсан учир тэдний хувьд маш хүнд үеийг туулсан гэж хэлж болно. "Хар тас" хамтлагийн хит болж байсан зарим дуунаас нь нэрлэвэл “Хар тас хаа ч явсан сийхгүй”, “Бүрхэг Тэнгэр”, “Газар тэнгэр”, “Санаа минь” , “Охин заяа” зэрэг дуунууд байна.
