Бүгд Найрамдах Улсыг тунхаглаж, анхдугаар Үндсэн хууль баталсны 100 жилийн ой энэ жил тохиож байна. Тус өдрийг энэ сарын 26-ны өдөр улс орон даяар тэмдэглэх УИХ-ын тогтоолыг өнгөрсөн долдугаар сард баталсан.
Энэ хүрээнд Анхдугаар Үндсэн хуулийн түүхэн ач холбогдлыг шинжлэх ухааны үндэслэлтэй судлах, эрдэм шинжилгээний хурал зохион байгуулах, түүхэн судалгааны болон танин мэдэхүйн бүтээл туурвиж нийтийн хүртээл болгох, Үндсэн хуулиа эрхэмлэн дээдлэх үзэл санааг иргэдэд тайлбарлан таниулах, төрийн ёслол хүндэтгэлийн бусад арга хэмжээний төлөвлөгөөг боловсруулан баталж, хэрэгжилтийг зохион байгуулах юм.
Мөн энэ сарын 26-нд УИХ-ын хүндэтгэлийн чуулган хуралдуулах аж.
Монгол Улсын анхдугаар Үндсэн хуулийг 1924 оны 11-р сарын 26-ны өдөр Улсын анхдугаар Их хурлаар баталж байв.
