Зариг.мн сайтын эрхлэгч, сэтгүүлч Н.Өнөрцэцэгт холбогдох хэргийн давж заалдах шатны шүүх хурал энэ сарын 7-нд товлогдоод буй. Уг шүүх хурлыг хэсэгчлэн нээлттэй явуулах хүсэлтийг ар гэрийнхэн болон Сэтгүүлчдийн нэгдсэн эвлэлээс Шүүхэд хандан гаргасан.
Гэвч уг хүсэлтийг шүүхээс хүлээж авах боломжгүй гэх хариу өгсөн тул гэр бүлийнхэн нь хэлмэгдэгсдийн хөшөөний урд өчигдрөөс эхлэн суулт хийж буй. Тэгвэл өнөөдөр \2024.10.6\ УИХ дахь Ардчилсан намын бүлгийн дарга О.Цогтгэрэл, УИХ-ын гишүүн, Хүний эрхийн дэд хорооны дарга С.Эрдэнэболд, УИХ-ын гишүүн О.Амгаланбаатар нар ар гэрийнхэнтэй нь уулзлаа.
