Ocean Grey продакшн 11 жилийн ойн баяраа тэмдэглэж тоглолт хийх гэж буй талаараа өнөөдөр /2024.09.25/ мэдээлэл хийлээ.
Тодруулбал тус тоглолт 2024 оны 09 дүгээр сарын 28-нд AIC Steppe Arena-д 19:00 цагт нээгдэж, 20:30 цагт тоглолт эхэлж 3 цаг үргэлжлэх ба тасалбарыг Shoppy.mn, GS25 салбаруудаар худалдаалж байгаа юм байна. Тус тоглолтод Ocean Grey продакшны уран бүтээлчид болох AM-C, Becca, FOUX, Seryoja нар оролцох бол зочин уран бүтээлчдээр Канадын алдарт реппэр К`Maro болон продакшнтай хамтран ажилладаг UKA, Эрдэнэчимэг, Kiwi, Tatar, Vandebo зэрэг уран бүтээлчид оролцох аж. Тоглолтын зохион байгуулах комисоос уран бүтээлчид тус бүр дунджаар 25-30 минутын үзүүлбэрүүд бэлдсэн байгаа учир тоглолт нэлээд урт болно гэсэн юм. Мөн тоглолт 100% амьд хөгжмийн найруулгатай гэдгийг онцоллоо.
