Олон Улсын хэмжээний мастер Г.Баярхүү Солонгосын мэргэжлийн боксын холбооны супер хөнгөн жингийн аварга боллоо.
Боксын ОУХМ Г.Баярхүү өчигдөр /2023.06.26/ мэргэжлийн боксын супер хөнгөн жингийн аваргын төлөөх тулаанаа хийлээ. Тэрбээр Бүх Солонгосын аваргын бүсийн төлөө тус улсын тамирчинтай тулалдсан бөгөөд Өмнөд Солонгосын “YMW BUFFALO PROMOTION”-оос урилга хүлээн авч, БНСУ-д мэргэжлийн бокст тулалдаж байгаа билээ.
Г.Баярхүүгийн чансаа ахиулах мэргэжлийн боксын ээлжит тулаан Вьетнам улсад өнгөрсөн 4-р сарын 22-нд хийж, улмаар Солонгосын мэргэжлийн боксын холбоотой гэрээ үзэглэсэнээс хойшхи бүх тулаандаа ялалт байгуулаад байгаа билээ.
Тэрбээр аваргын төлөөх тулааныхаа хоёрдугаар раундад өрсөлдөгчөө хүнд цохилтод оруулснаар ялалт байгуулсан байна.
