Баянхонгор аймагт болж байгаа Монголын хүүхдийн спортын зуны VII наадамд Сэлэнгэ аймгийн баг тамирчид урьдчилсан байдлаар амжилтаараа улсын хэмжээнд 2-р байр, 21 аймгийн хэмжээнд тэргүүн байрт явж байгаа талаар Монцамэ агентлаг мэдээлжээ.
Тодруулбал, тус наадамд Сэлэнгэ аймгаас 19 төрөлд 236 тамирчин оролцож байгаа аж. Тамирчдыг тус аймгийн БТСГ-ын дарга У.Батмөнх, ахлах дасгалжуулагч С.Дашдаваа, аймгийн БШУГ-ын мэргэжилтэн А.Элбэгбаяр нар удирдан оролцож байгаа юм байна. Тэмцээн энэ сарын 29-нд дуусах ажээ.
