"Hero Intercontinental Cup 2023" олон улсын хөл бөмбөгийн тэмцээн зургаадугаар сарын 09-18-ны хооронд Энэтхэг улсын Бубанесвар хотын Калинга цэнгэлдэх хүрээлэнд болж байна.
Тус тэмцээнд оролцож буй Монголын хөлбөмбөгийн үндэсний шигшээ баг энэ сарын 9-нд эхний тоглолтоо Энэтхэгийн эсрэг хийж, 0:2 ялагдсан бол хоёр дахь тоглолтдоо өчигдөр /2023.06.12/ Ливаны шигшээтэй өрсөлдөж, 0:0 оноогоор тэнцэж, Монгол Улсын шигшээ баг тэмцээний эхний оноогоо авсан юм.
Мөн тоглолтын шилдэг тоглогчоор Б.Амгаланбат шалгарчээ.
Энэтхэгийн баг тэмцээнийг 6 оноотой тэргүүлж байгаа бол Ливан 4, Монгол 1, Вануату 0 оноотой байгаа бөгөөд манай улсын баг тус тэмцээний 3 дахь тоглолтоо зургаадугаар сарын 15-нд Вануатугийн шигшээ багтай хийнэ.
