Засмал замын дугуйн 2023 оны Азийн аварга шалгаруулах тэмцээн зургадугаар сарын 7-13-ны өдрүүдэд Тайланд Улсын зүүн эрэг дэх Районг хотноо болж буй.
Манай улсаас тус тэмцээнд эрэгтэйчүүдийн элит ангилалд С.Жамбалжамц, Б.Тэгшбаяр, Б.Марал-Эрдэнэ, Э.Болор-Эрдэнэ, Э.Билгүүнжаргал нар оролцож байгаа бөгөөд "Алдар" спорт хорооны тамирчин, ОУХМ Сайнбаярын Жамбалжамц хүрэл медаль хүртлээ.
Тэрбээр өчигдөр /2023.06.10/ 46 (23 км, 2 тойрог) км-ын ганцаарчилсан уралдаанд 18 орны 19 шилдэг дугуйчдаас 56:35.771 минутын амжилтаар гуравдугаар байрт шалгарсан байна.
