БОАЖЯ-наас нийслэл хотын 20 байршилд агаарын чанар хэмжигч төхөөрөмж байршуулж буй талаар мэдээлэл хийлээ.
Энэ талаар БОАЖЯ-ны байгаль орчны үнэлгээ аудитын хэлтсийн нэр бүхий байцаагч Б.Наранбаатар "Airly" гэх агаарын чанарыг хэмжигч төхөөрөмжийг 2022 оны гуравдугаар сард Монгол Улсад оруулж ирсэн. Энэхүү төхөөрөмжийг дэлхийн 150 гаруй улсад хэрэглэдэг чанарын гэрчилгээтэй хэмжигч багаж юм. Төхөөрөмж PMI 1, 2.5, 10-ын түвшинд тоосонцор хэмжихээс гадна хүхэр, азотын, нүүрстөрөгч, азон зэрэг нэмэлт агаар бохирдуулагчдын хэмжих хүчин чадалтай аж. Монгол Улсад өнөөдрийн байдлаар нийт 17 аймагт PMI 2.5,10 гэдэг тоосонцор хэмжих төхөөрөмж байдаг. Гэвч нэмэлт бохирдлыг хэмжих төхөөрөмж байхгүй байсан.
Тиймээс бид уг төхөөрөмжийг нийт 21 аймаг болон томоохон хүн амын суурьшил бүхий есөн суманд нэвтрүүлэхээр ажиллаж байна.
Харин Улаанбаатар хотын хэмжээнд 40 орчим агаарын чанар хэмжигч төхөөрөмж, Улсын өмчийн 18 томоохон төхөөрөмж байдаг. Тус 18 төхөөрөмж нь тоосонцор болон дээр дурдсан нэмэлт бохирдлыг хэмжих боломжтой. Дүүргүүдийн хувьд ЭСЯ-дуудын байршуулсан 22 төхөөрөмж байдаг гэх мэдээлэл байгаа. Тэгэхээр бид одоо байгаа 40 төхөөрөмж дээр нэмэгдүүлэн солбилцол давхцуулахгүй 20 төхөөрөмж нэмнэ. Ингэснээр Монгол Улсад байгаа 40 орчим төхөөрөмж дээр нэмэгдээд бидний нийлүүлж буй тавь орчим төхөөрөмжийг байрлуулснаар нийт 90 төхөөрөмжөөс иргэд байгууллагууд мэдээлэл авах нөхцөл бүрдэх юм. Энэхүү мэдээллийг иргэд Hipay апплейкшнээр дамжуулж авна. Мөн бид хоёр үндсэн зорилгоор энэхүү төхөөрөмжүүдийг нийлүүлж байгаа.
- Нэгдүгээрт иргэд өөрсдийн амьдарч буй орчны цаг агаарын мэдээ болон орчны бохирдлыг мэдээллийг бодитоор авах,
- Хоёрдугаарт төрийн байгууллагууд болон бодлого боловсруулж шинжилгээний байгууллагууд хувийн хэвшил, төрийн бус байгууллагуудад олж авсан мэдээллээ түгээж ирээдүйд судалгаа шинжилгээнд ашиглах,
гэсэн зорилгоор ажиллаж байна” гэв.