Орос Монголын хамтарсан сургуулийн Удирдах зөвлөлийн дарга Ж.Батбаясгалан болон зөвлөлийн гишүүд өчигдөр /2022.09.08/ Боловсрол, шинжлэх ухааны яам, Монгол Оросын хамтарсан сургуулийн багш, ажилтнууд, суралцагчдын эцэг эхийн төлөөлөлтэй уулзаж, улмаар тус сургуулийн захирал Ж.Соронзонг чөлөөлөх асуудлыг ОХУ-ын талд хүргүүлэн танилцуулж, Удирдах зөвлөлийн хуралдааныг товлон зарлахаар тогтсон билээ.
Тэгвэл Удирдах зөвлөлийн хэзээ хуралдах гэж байгаа талаар эх сурвалжаас тодруулахад, "Хоёр улсын хамтарсан сургууль учраас эхлээд ОХУ-ын талд мэдэгдэж, хариу ирсний дараа Удирдах зөвлөлийн хурлын товыг зарлана байх. Одоогоор тов гараагүй байна" гэх хариултыг өглөө.
Тиймээс бид Орос-Монголын хамтарсан III сургуулийн Удирдах зөвлөлийн гишүүн, БШУ-ын дэд сайд Г.Ганбаяраас Орос-Монголын хамтарсан сургуулийн Удирдах зөвлөл хэзээ хуралдахаар товлож байгаа болон энэ талаарх мэдээлэл өөрт нь ирсэн эсэхийг тодруулахад, "Надад энэ талаар ямар нэгэн мэдээлэл ирүүлээгүй" гэлээ. Ташрамд өгүүлэхэд, Орос-Монголын хамтарсан сургуулийн дүрмийн дагуу сургуулийн захирлыг чөлөөлөх эсэх нь Монголын талд байгаа болохыг бид өмнө нь мэдээлсэн билээ. Холбоотой мэдээллийг ЭНД ДАРЖ уншина уу.
