Нийслэлийн ИТХ-ын ээлжит XY хуралдаан өнөөдөр 10.00 цагаас эхэлнэ. Харин саяхан мөрдөгдөөд цуцлагдсан автомашины тэгш, сондгой дугаарын хязгаарлалтыг цаашид үргэлжлүүлэх эсэхийг НИТХ-аар хэлэлцүүлнэ гэж хотын дарга Д.Сумъяабазар мэдэгдсэн. Тэгвэл энэ асуудал өнөөдөр хэлэлцэгдэх асуудлын жагсаалтад багтаагүй байгаа бөгөөд хэлэлцэхгүй байж магадгүй байна.
Өнөөдрийн хуралдаанаар:
- Монгол Улсын Засгийн газрын 62 дугаар тогтоолын хэрэгжилт, өвөлжилтийн бэлтгэл ажил, нийслэлд авч хэрэгжүүлж буй арга хэмжээний тухай танилцуулга
- Нийслэлийн нутаг дэвсгэрт улс, нийслэлийн төсвийн хөрөнгө оруулалтаар хийгдэж буй ажлын явцын тухай мэдээлэл, танилцуулга
- Нийслэлийн ИТХ-ын төлөөлөгчид дүүргүүдэд өвөлжилт, бүтээн байгуулалт, хөрөнгө оруулалтын чиглэлээр танилцсан ажил, зарим удаашралтай ажлын чиглэлээр цаашид авах арга хэмжээний тухай
- Нийслэлийн газар зохион байгуулалтын ерөнхий төлөвлөгөө батлах тухай
- Нийтийн тээврийн үйлчилгээний салбарын санхүүжилтийн журам шинэчлэн батлах тухай
- Машин цагийн зардлын тариф шинэчлэн батлах тухай
- Нийслэлийн өмчид хөрөнгө бүртгэн авах тухай
- Нийслэлийн өмчөөс төрийн өмчид эд хөрөнгө шилжүүлэх тухай
- Бусад асуудал хэлэлцэнэ.
