Хүнд суртал, авлигыг халах зорилгын хүрээнд Байгаль орчны аялал жуулчлалын яам, түүний харьяа байгууллагад ажиллаж буй дунд, доод шатны албан хаагчдыг сэлгэн шилжүүлж эхэлснийг БОАЖ-ын сайд Б.Бат-Эрдэнэ мэдээлжээ. Тэрээр "Байгаль орчин аялал жуулчлалын салбарт удаж бугширсан, хүнд суртлын оргил нь болсон дунд, доод шатны албан тушаалтнуудыг сэлгэн, шилжүүлж эхэллээ" гэсэн байна. Уг ажил өөр яамдад ч үргэлжлэх бөгөөд олон жил ажилласан дунд, доод шатны албан хаагчдыг өөр яам, агентлагт сэлгэх ажиллуулах юм байна.
