Өнөөдөр /2022.08.29/ Засгийн газрын зарим сайдыг чөлөөлж, УИХ-ын гишүүдийг томилох асуудлыг МАН-ын Удирдах зөвлөл дэмжсэн. Улмаар Ерөнхийлөгч У.Хүрэлсүх Засгийн газрын гишүүнээр томилогдох гэж байгаа гишүүдтэй уулзсан. Тэгвэл яг одоо Засгийн газрын бүтэц болон бүрэлдэхүүний тухай хуульд нэмэлт, өөрчлөлт оруулах тухай хуулийн төслийг Төрийн байгуулалтын байнгын хороо хэлэлцэж байна. Ингээд тус байнгын хорооны хурлын дараа УИХ-ын чуулган хуралдаж магадгүй байна.
