МАН-ын Удирдах зөвлөл өнөөдөр /2022.08.29/ 14.00 цагт хуралдаж шинэ сайд нарыг дэмжих эсэхээр шийдвэр гаргана. Үргэлжлүүлэн МАН-ын бүлэг хуралдаж мөн уг асуудлыг хэлэлцэх юм.
Тэгвэл Удирдах зөвлөлийн хуралд оруулж хэлэлцүүлэх гэж байгаа Засгийн газрын шинэ бүрэлдэхүүнийхээ нэг хувилбарыг баталсан бөгөөд, тус мэдээллийг www.isee.mn сайт хүргэж байна. Л.Оюун-Эрдэнийн Засгийн газрын 50 хувьд нь өөрчлөлт орж буй бөгөөд одоогийн танхимаас "дан дээл"-тэй дөрөв, "давхар дээл"-тэй дөрвөн сайд үлдэж байгаа юм.
Тодруулбал, "Дан дээл"-тэй сайд нараас
- Батлан хамгаалахын сайд Г.Сайханбаяр,
- Соёлын сайд Ч.Номин,
- Гадаад харилцааны сайд Б.Батцэцэг,
- Нийгмийн хамгааллын сайд А.Ариунзаяа,
"Давхар дээл"-тэй сайд нараас
- Шадар сайд С.Амарсайхан,
- Хууль зүйн сайд Х.Нямбаатар,
- Сангийн сайд Б.Жавхлан,
- БШУ-ны сайд Л.Энх-Амгалан гэсэн дөрвөн сайд үлдэж байна.
Харин Засгийн газар шинээр орох сайд нарт
- МАН-ын бүлгийн дарга Д.Тогтохсүрэн,
- УИХ-ын гишүүн Ж.Мөнхбат,
- Н.Учрал,
- Б.Чойжилсүрэн,
- Ч.Хүрэлбаатар,
- Х.Болорчулуун- Хүнс, хөдөө аж, ахуй хөнгөн үйлдвэрийн сайд
- Б.Баттөмөр-Эрчим хүчний сайд
- Ж.Ганбаатар-Зам тээврийн хөгжлийн сайд
- Б.Саранчимэг нар багтсан тухай мэдээлэв. Ингэхдээ, шинээр томилогдож байгаа сайд нарыг сонгохдоо төрийн хар хайрцагны бодлого, төрийн албаны мерит зарчимд /мэргэжил, ур чадварын шалгуураар шатлан дэвших тогтолцоо/ тулгуурлаж, хоёроос доошгүй удаа сонгогдсон, байнгын хороо толгойлж байсан хүмүүсийг дэвшүүлжээ.
Харин АН-д
- Тэргүүн Шадар сайд,
- Барилга хот байгуулалтын яамыг өгч байгаа аж /Одоогоор нэр тодорхойгүй/.
Харин Засгийн газрын энэ бүтцийг МАН-ын Удирдах зөвлөлөөс өөрчлөлт оруулж магадгүй байна.
