Япон улс Украиныг хоол хүнс, эм тариа зэрэг нэмэлт тусламжийн хэрэгслээр хангана гэж Японы Ерөнхий сайд Ф.Кишида өнөөдөр /2022.04.26/ Украины Ерөнхийлөгч В.Зеленскийтэй утсаар ярьсны дараа мэдэгджээ. Мөн Япон бусад G7-ын улсуудтай хамтран Украиныг дэмжих дипломат хүчин чармайлтаа нэмэгдүүлнэ гэж Ф.Кишида хэлээд В.Зеленский Япон дэмжлэг үзүүлсэнд талархаж байгаа гэжээ. Тэд Украины нөхцөл байдал, Оросын эсрэг цаашид авах хориг арга хэмжээ, Украинд үзүүлэх тусламжийн талаар ярилцсан байна.
Эх сурвалж: CNN
