Өнгөрөгч Лхагва гараг /2022.01.26/-т болсон Засгийн газрын хурлаас хэд, хэдэн шийдвэрийг гаргажээ. Тухайлбал, Оюутолгойг дотоодын эрчим хүчний сүлжээнээс “цахилгаанаар хангах”, Сургууль, цэцэрлэгийн танхимын хичээлийг хоёрдугаар сарын 28-ны өдрөөс эхлэн 100 хувь эхлүүлэх гээд хэд, хэдэн шийдвэр гаргажээ.
Харин тус хурлын үеэр Ерөнхий сайд Л.Оюун-Эрдэнэ “Шинэ сэргэлтийн бодлого”-ынхоохүрээнд 20 төсөл дээр ажлын даалгавар өгч, хэрэгжилтийг тогтмол шахаж, ажлын даалгаврын биелэлтээр сайд нараа дүгнэнэ. Ингээд ирэх гуравдугаар сар хүртэл төсөл эхэлсэн байх ёстой, энэ үеэр /2022.03/ зарим сайд нартай хариуцлага ярина” гэж мэдэгдсэн талаар эх сурвалж бидэнд мэдээлсэн.
Тухайлбал,
- Тавантолгойн нүүрсний бүлэг ордыг түшиглэн баригдах “Үйлдвэрүүдийн ус хангамж”-ын бүтээн байгуулалтыг эхлүүлэх,
- Тавантолгой-Зүүнбаян чиглэлийн төмөр замыг ирэх гуравдугаар сарын 15-ны нээх
- Тавантолгой нүүрс баяжуулах үйлдвэрийн бүтээн байгуулалтын ажлыг эхлүүлэх зэрэг чиглэлийг өгсөн байгаа юм.
Иймд Засгийн газрын зарим сайд нар гуравдугаар сардаа ажиллаж эхэлсэн бололтой.Тухайлбал, ЗТХ-ийн сайд Л.Халтар, Тавантолгой-Зүүнбаян чиглэлийн төмөр замыг нээхээр ажиллаж эхэлж. Тэрээр, энэ тухай ярихдаа, “ирэх гуравдугаар сарын 15-нд галт тэрэг явахгүй бол маниас эхлүүлээд энд мануухай болоод яахав” гэж мэдэгдсэн байна.
Саяхан Улаанбаатарын агаарын бохирдолтой холбогдуулж, БОАЖ-ын сайд Л.Уртнасанг үүрэгт ажлаас нь чөлөөлсөн. Тэгвэл ирэх гуравдугаар сард ЗТХ-ийн сайд Л.Халтар, Эрчим хүчний сайд Н.Тавинбэх, Уул уурхайн сайд Г.Ёндон нартай хариуцлага ярьж, огцруулж магадгүй юм.
