Зам тээврийн хөгжлийн сайдын тушаалаар батлагдсан “Автотээврийн хэрэгслийн бүртгэл хөтлөх, улсын дугаар олгох журам”-ын хүрээнд тээврийн хэрэгслийн улсын бүртгэлийн дугааруудыг 2022 оны 01 дүгээр сарын 10-ны өдрөөс 2022 оны 02 дугаар сарын 09-ний өдрийн хооронд худалдах нээлттэй цахим дуудлага худалдааг зарлаж байна.
Дуудлага худалдааны цахим хаяг: auction.transdep.mn Дуудлага худалдаанд тавих дэнчингийн хэмжээ: 50,000 / тавин мянган /төгрөг байна. Дуудлага худалдааны бүртгэлийг энэ сарын 7-ноос өмнө хүлээн авах юм. Хамгийн өндөр үнэ өгсөн оролцогч тухайн дуудлага худалдааны ялагч болох бөгөөд худалдан авсан улсын дугаарын үнийг 24 цагийн дотор төлж, “Улсын бүртгэлийн дугаар олгох гэрээ” байгуулснаар баталгаажна. Мөн энэ удаад дараах улсын бүртгэлийн дугааруудыг дуудлага худалдаанд оруулна.
