Өнгөрсөн шөнө "NoDoubleStandard" хөдөлгөөний зохицуулагч Д.Монголхүүг Хэнтий аймгаас Улаанбаатар хотод ирж, гэр рүүгээ орж байхад нь Сүхбаатар дүүргийн цагдаагийн 1-р хэлтсээс баривчилсан талаар зарим эх сурвалж мэдээлсэн. Мөн өнөөдөр /2021.10.05/ иргэн Э.Одбаярыг Эрүүгийн цагдаагийн газраас “байцаалт авна” хэмээн дуудаж, саатуулсан гэх мэдээлэл байна.
Улмаар "NoDoubleStandard" хөдөлгөөний гишүүд Сүхбаатар дүүргийн цагдаагийн 1-р хэлтсийн гадна тэднийг суллахыг шаардаж, жагссан юм. Тэгвэл 16.00 цагаас үргэлжлүүлэн Хууль зүйн яамны гадна үргэлжлэх юм байна.
