Ерөнхий сайд Л.Оюун-Эрдэнэ шатахууны асуудлаар БНХАУ болон ОХУ-аас манай улсад суугаа ЭЛЧИН САЙД нартай уулзана

Манай улсад А 92 шатахууны хомстол үүсэж, үүнийг дагаад шатахуун түгээх станцууд борлуулалтдаа хязгаарлалт тогтоогоод байна.

Иймд өнөөдөр /2021.09.22/-ийн Засгийн газрын хуралдаанаар дээрх асуудлыг хэлэлцэж байгаа бөгөөд хурлын дараа Ерөнхий сайд Л.Оюун-Эрдэнэ манай улсад БНХАУ-аас суугаа Элчин сайд Цай Вэньруй, ОХУ-ын Элчин сайд Азизов Искандер Кубарович нартай уулзахаар болсон талаар эх сурвалж мэдээллээ.

Манай улс шатахууны хомстолд ороод байгаа шалтгаан нь ОХУ-ын “Angarsk” үйлдвэр засвартай байгаа бөгөөд ОХУ-аас найм, есдүгээр сард нийлүүлэх ёстой шатахууны 8-10 хувийг нийлүүлсэн. Мөн БНХАУ-ын China oil компаниас шатахуун авах гэрээг манай улс байгуулсан ч галт тэрэг явуулах боломжгүй гэсэн хариу өгөөд байгаа. Иймд Ерөнхий сайдын элчин сайд нартай уулзах уулзалтаар дээрх асуудлууд хөндөгдөх бололтой.

Шатахуун хомстоход хүргэсэн албан тушаалтныг олж тогтоохыг үүрэг болгожээ

Засгийн газрын ээлжит хурал өнөөдөр /2021.09.22/ өглөө 08:00 цаг эхэлсэн. Яг одоо хурал үргэлжилж байгаа юм.

Энэ удаагийн хурлаар шатахууны хомстолтой холбоотой асуудлыг хэлэлцэж байгаа талаар эх сурвалж мэдээллээ. Тус хуралд Уул уурхай хөнгөн үйлдвэрийн сайд Г.Ёндон, АМГТГ-ын холбогдох албан тушаалтнууд оролцож байгаа аж. Тэгвэл Ерөнхий сайд Л.Оюун-Эрдэнэ, “шатахууны хомстол үүсэхэд хэн хариуцлага алдсныг тодорхой болгоод эргэж мэдэгдэх”-ийг үүрэг болгожээ.