Нийслэлийн иргэдийн жилд хоёр удаа тэмдэглэн өнгөрүүлдэг Үндэсний номын баяр маргааш /2021.09.17/ нээлтээ хийх бөгөөд 19-ний өдөр өндөрлөх юм.
Уг 30 дахь удаагийн номын баяр нь “Өдөр бүр уншъя” уриан дор Сүхбаатарын талбайд зохион байгуулагдах гэж байна.
УИХ-ын чуулганаар Нийтээр тэмдэглэх баярын болон тэмдэглэлт өдрүүдийн тухай хуулийн 5.1.17-д "Үндэсний бичиг соёл, номын өдрүүд тав болон есдүгээр сарын гурав дахь долоо хоногийн Бямба, Ням гараг” гэж тусгасны дагуу энэхүү өдөр албан ёсны тэмдэглэлт өдөр болсон билээ.
