Мэргэжлийн сумо бөхийн Нагоя башё Японы Нагоя хотод болж буй. Өнөөдөр/2021-07-18/ башёгийн 15 дахь өдөр бөгөөд 69 дэх Их аварга Хакухо М.Даваажаргал, Озэки Тэрүнофүжи Г.Ган-Эрдэнэ нар түрүү бөхийн төлөө барилдана.
Их аварга Хакухо М.Даваажаргал 14 дэх өдрийн барилдаанд Озэки Шодай-тай барилдаж, түүнийг абисэтаоши мэхээр илүүрхэн хаясан юм. Харин Озэки Тэрүнофүжи Г.Ган-Эрдэнэ өчигдрийн барилдаанаар Сэкиваке Такаясүтэй учраа таарч, түүнийг ёрикири мэхээр давж 14 дэх даваагаа авсан. Ингэснээр гурван башё дараалан тэргүүлэхийн төлөө өнөөдөр Их аваргатай хүчээ сорих юм.
