Маргаашаас бүх нийтийн бэлэн байдлын зэрэгт шилжиж байгаатай холбогдуулан нийслэлийн хэмжээнд үзүүлэх эмнэлгийн тусламж үйлчилгээний талаарх мэдээллийг НЭМГ-ын дарга Б.Бямбадорж өглөө. Энэ үеэр тэрээр нийслэлийн Шүд эрүү нүүрний төв иргэдэд харьяалал харгалзахгүй 24 цагаар тусламж үйлчилгээ үзүүлэх талаар хэллээ.
Түүнчлэн өрх болон дүүргийн эрүүл мэндийн төвүүд:
- Ээлж 24/48 цагийн горимд шилжиж ажиллана
- Ээлж хүлээлцэх, ажилтнуудыг ирэх болон буцах үйл ажиллагааг халдвар хамгааллын дэглэмийг баримтлан 06.00-08.00 цагийн хооронд зохицуулна.
- CT, MRI ходоодны дурангийн шинжилгээ шаардлагатай тохиолдолд тухайн бүсэд ойр байрлах эрүүл мэндийн байгууллагуудтай гэрээ байгуулж, бэлэн байдлыг хангаж ажиллах талаар хэллээ.
Бүх нийтийн бэлэн байдлын зэрэгт шилжих өдрүүдэд ЭМЯ-ны харьяа болон НЭМГ-ийн харьяа бүх эрүүл мэндийн байгууллага хамтран иргэддээ эрүүл мэндийн тусламж үйлчилгээ үзүүлэх юм.