Явган хүний гарцаар гарч буй унадаг дугуйтай хүүхдийг автомашинаараа мөргөөд зугтаж буй бичлэг цахим сүлжээнд нийтлэгдэж олон нийтийн бухимдлыг төрүүлсэн. Улмаар цагдаагийн байгууллагаас жолоочийг олж тогтоон, шалгалтын ажиллагааг үргэлжлүүлж байгаа талаар бид өмнө нь мэдээлсэн. Өмнөх мэдээллийг ЭНД ДАРЖ уншина уу.
Мөн уг хэрэгт холбогдуулан Тээвийн цагдаагийн албанаас, "Осол гаргасан автомашины жолооч хэргийн газрыг санаатайгаар орхисон, оргон зайлсан тул энэ хэрэг дээр эрүүгийн хариуцлага хүлээлгэнэ. Одоогийн байдлаар шалгалтын ажиллагаа явагдаж байна" хэмээн мэдээлж байв. Тэгвэл уг хэргийн шалгалтын ажиллагааны талаар бид ТЦА-наас тодруулахад, "Hyundai Elаntra маркийн автомашиныг насанд хүрээгүй хүн жолоодож байсан бөгөөд шалгалтын ажиллагааг үргэлжлүүлж байгаа" гэв.
Явган хүний гарцан дээр хүүхэд мөргөөд зугтаж новш чинь😱😱😱 Утас ухдаг,согтуу жолоо барьдаг, гарцан дээр зогсдоггүй... мунхаг жолооч нарыг яах вэ? pic.twitter.com/ZJ1rVJ9WcF
— Саруулхан (@SaruulhanlA) May 7, 2025
