Нийслэлийн Засаг даргын нэрэмжит “Хангарди” үндэсний шагайн харвааны тэмцээн “UB food” өдөрлөгт зориулж Төв талбайд барьсан цагаан асарт үргэлжилж байна. Тус тэмцээнийг нийслэлийн Засаг даргын Тамгын газар, нийслэлийн Биеийн тамир, спортын газар, Монголын Шагайн харвааны холбоо хамтран зохион байгуулж байгаа аж. Тэмцээнд ахмадын 28, өсвөр үеийн 28, идэрчүүдийн 114, нийт 171 багийн 1400 харваач оролцож, цэц мэргэнээ сорьж байгаа юм байна.
