Унгарын Ерөнхий сайдаар томилогдохоор болсон П.Мажар шинэ засгийн газар байгуулагдсаны дараа төрийн хэвлэл мэдээллийн мэдээний үйл ажиллагааг түр зогсоохоо мэдэгдлээ.
Тэрбээр төрийн медиаг олон жилийн турш эрх баригч Виктор Орбаны засгийн газрын “суртал ухуулгын машин” болсон хэмээн шүүмжилж, “айдас, худал мэдээлэл түгээдэг” гэж үзэж байгаагаа илэрхийлсэн байна. Мажар энэ байр сууриа лхагва гарагт /2026.04.15/ төрийн радио, телевизэд өгсөн ярилцлагын үеэр илэрхийлсэн бөгөөд энэ нь түүний сүүлийн 18 сарын хугацаанд төрийн медиад оролцсон анхны тохиолдол болжээ.
Түүний хэлснээр шинэ засгийн газар:
- шинэ хэвлэлийн хууль батлах
- медиа зохицуулах шинэ байгууллага байгуулах
замаар төрийн медиаг “хараат бус, тэнцвэртэй, бодит мэдээлэл хүргэдэг” болгох зорилготой байх юм.
Мөн тэрбээр “Унгар хүн бүр үнэн мэдээлэл авах эрхтэй. Суртал ухуулгын энэ системийг зогсооно” хэмээн онцолжээ. Олон улсын “Reporters Without Borders” байгууллагын мэдээлснээр Унгарын хэвлэл мэдээллийн орчны дийлэнх хэсэг нь эрх баригч намтай холбоотой этгээдүүдийн хяналтад байдаг бөгөөд төрийн медиа нь удаан хугацаанд засгийн газрын дуу хоолой болж ирсэн гэж дүгнэдэг. П.Мажарын нам парламентын хоёрны гуравын олонхыг бүрдүүлсэн тул Үндсэн хуульд өөрчлөлт оруулах, өмнөх засгийн бодлогыг өөрчлөх боломжтой юм.
.jpg)
