Эрүүл мэндийн салбарын ажилтнууд өнгөрсөн долоо хоногийн турш Төв талбайд суулт зарласан. Тэд үндсэн цалингаа 3.5 сая болгон нэмэгдүүлэх шаардлага тавьж буй.
Тэгвэл эрүүл мэндийн салбарын ажилтнууд өнөөдрөөс /2025.10.27/ ажил хаялт зарлахаа мэдэгдлээ. Тодруулбал, Монголын Эрүүл мэндийн ажилтны үйлдвэрчний эвлэлийн холбоо өнөөдөр /2025.10.27/ 12:00 цагт Сүхбаатарын талбайд хэвлэлийн хурал зохион байгуулж, ажил хаялтаа эхлүүлэх юм. Салбарын эмч, сувилагч, ажилтнууд долоон хоногийн турш суулт хийсэн ч төр, засгаас тодорхой арга хэмжээ аваагүй тул тэмцлийн дараагийн шат ажил хаялт зарлаж байгаа юм байна.
