МАН-ын Бага хурлын VIII хуралдаан Тусгаар тогтнолын ордонд өнөөдөр /2025.09.27/ 12:30 цагт эхэллээ. Тус МАН-ын Бага хурал 428 төлөөлөгчтэй бөгөөд 80 гаруй хувийн ирц бүрдэж ийнхүү хуралдааныг эхлүүлсэн байна.
Бага хурлын эхэнд ирцийг МАН-ын дарга Л.Оюун-Эрдэнэ танилцуулсан байна Тэрбээр эхлээд энэ удаагийн хуралдааны дарга, дэд дарга нарыг санал болгож Бага хурлын VIII хуралдааныг УИХ дахь МАН-ын бүлгийн дарга Ж.Бат-Эрдэнэ, дэд даргаар Бага хурлын гишүүн Д.Гангамөрөн нарыг сонгожээ. Энэ удаагийн хурлаар Бага хурлын зарим гишүүнийг чөлөөлөх, шинээр сонгох, ээлжит XXXI Их хурлын товыг тогтоох, төлөөлөгчдийг сонгох журам зэрэг асуудлыг хэлэлцэнэ гэдгийг хуралдаан даргалагч танилцуулсан байна.
