Ардчилсан намын Үндэсний бодлогын хорооны ээлжит бус хуралдаан Төрийн ордонд энэ цаг мөчид хуралдаж, эхний шатны санал хураалт эхэлж байна. Энэ үеэр УИХ-ын гишүүн Н.Алтанхуяг байр сууриа илэрхийллээ.
Тэрбээр "Улс оронд шударга ёс тогтох тал руугаа явах юм болов уу гэж бодож өнгөрсөн баасан гарагийн хуралд ирсэн. Мартагдсан байсан мэтгэлцээн, боллоо. Намын дарга болох хүсэлтэй хүн олон байж болно, тэр хүмүүс мэтгэлцээнд орох ёстой. Нэг удаагийн мэтгэлцээнээр шийдэгдэхгүй ч хана гарна. Манай намынхан мартагдсан шинэ юм гаргаж ирлээ, би маш их баяртай байна. Ерөнхийлөгчийн сонгууль 1993 онд болоход П.Очирбат, Л.Түдэв гуай хоёр өрсөлдөхөд монголчууд анх удаа мэтгэлцээн гэдэг юмыг харж байсан. Манай намынхан мартагдсан мэтгэлцээнийг сэргээж чадсанаар Ардчилсан намын даргад нэр дэвшигчид юу хийх бодолтой байгаа юм, хэн нь ямар хүн бэ гэдгийг богино хугацаанд монголчууд маань таньсан болов уу. Намын дарга нь надад таалагдах албагүй. Ард түмний төлөө юм хийж чаддаг, ардчилсан үнэт зүйл дээрээ зогсож чаддаг, шударга байж чаддаг хүн гараад ирвэл зохицуулаад явчихна. Хүчтэй сөрөг хүчин байж, хамтдаа асуудлыг шийдвэрлэх хэрэгтэй байна. МАН-ыг дураар нь дургиулж байгаа нь бидний буруу" гэлээ.
ШУУД ҮЗЭХ:
