Ардчилсан намын Үндэсний бодлогын хорооны хурлын үйл явцын талаар Дотоод сонгуулийн хорооны ажлын хэсгийн гишүүн О.Баасанхүү дараах мэдээллийг өглөө.
Тэрбээр "Удахгүй Ардчилсан намын даргад нэр дэвшигч нараар санал хураана. Санал хураалтын материалыг хэвлүүлээд ажиглагч нарын хяналт дор сонгуулийн санал авах комисст хүлээлгэж өгсөн. Хамгийн багадаа нэг удаагийн санал хураалт явна гэж тооцож байна. Нэр дэвшигч дотроос гурван хүн 10 хувийн санал аваагүй, нэг хүн үлдлээ гэхэд тэр хүн дарга болно. Хоёрт нь, дөрвөн хүн 10 хувийн санал авбал хоёр дахь санал хураалт явуулна. Хамгийн бага санал авсан нэг хүнийг хасах байдлаар санал хураалтыг явуулна. ҮБХ-ны хуралдаанд оролцож байгаа гишүүдийн ирц өндөр 80 хувьтай байна. Санал хураалт авахын өмнө гишүүдийн ирцийг дахин тоолж, гурваар нь нэр дуудаад санал өгсөн хүний тоогоор ирцийн мэдээ гаргана. Ардчилсан намын даргад нэр дэвшигч нарын гаргасан сонгуулийн зардалтай холбоотой маш тодорхой тайлбар өгч байгаа. Төрийн сонгууль хийхэд нэр дэвшигч нар зардлаа өөрсдөөсөө гаргадаг. Яг тэрэн шиг намыг сонгуульд нэр дэвшигчд зардлаа өөрөө даагаад явъя гэдэг асуудал тавьсан. Энэ удаагийн сонгуулийн зардал 408 сая төгрөг болсон. Нэр дэвшигч нар бүгд хүлээн зөвшөөрсөн учраас хуваагаад тус бүр 102 сая төгрөгийн зардлыг төлсөн. Энэ мөнгө сонгуулийн арга хэмжээнд зарцуулагдаж байгаа. Хэвлэл мэдээлэл, орон нутгаас ирж байгаа гишүүдийн зардал зэрэгт зарцуулж байна" гэлээ.
ШУУД ҮЗЭХ:
