Ардчилсан намын Үндэсний бодлогын хороо /ҮБХ/-ны ээлжит бус хуралдаан Төрийн ордонд үргэлжилж байна. Ардчилсан намын даргад нэрээ дэвшүүлсэн дөрвөн нэр дэвшигч мөрийн хөтөлбөрөө ҮБХ-ны гишүүдэд танилцуулж, гишүүдийнхээ асуултад хариулт өгч дууслаа.
Улмаар ҮБХ-ны гишүүдийн санал хураалт эхэллээ. Эхний санал хураалтад 10 хувийн санал аваагүй нэр дэвшигч эхний шатанд хасагдана. Улмаар шат бүрд нэг нэр дэвшигч хасагдах журмаар гурван шатны санал хураалт болох юм.Гэхдээ эхний санал хураалтаар аль нэг нэр дэвшигч 50+1 санал авбал дахин санал хураалт болохгүй гэдгийг тодотгоё. ҮБХ нь 380 гаруй гишүүнтэй бөгөөд 360 гаруй нь тус хуралдаанд оролцож буй. Бид эргэн мэдээлэх болно.
