Ардчилсан намын шинэ даргыг тодруулах ҮБХ-ны ээлжит бус хурал Төрийн ордонд эхэлж байна. Энэ үеэр тус намын даргад өрсөлдөж буй Ардчилсан намын ҮБХ-ны гишүүн Б.Отгонбатаас зарим зүйлсийг тодрууллаа.
Тэрбээр “АН өнгөрсөн хугацаанд 1996 онд л ганц удаа олонх болж, Засгийн газрын эрх барьсан байна. Бусад хугацаанд үргэлж Засгийн газарт хамтарч орж байсан. АН 1990 онд Монгол улсад Ардчилсан эрх чөлөөт нийгмийг бүтээхийн төлөө тэмцэж байсан. Гэтэл өнгөрсөн 30 жилийн хугацаанд АН өөрийн дуу хоолойгоо алдчихсан. Сөрөг хүчний байр сууриндаа байж чадалгүй ард түмнийхээ итгэлийг алдсан байна. Өнөөдөр ардчилсан нам дахин сэргэж, ард түмнийхээ итгэлийг олох нь чухал болоод байна. Үүний тулд ард түмэнд тулгараад байгаа авлигал, хээл хахууль, ядуурал, татварын дарамт, түгжрэл зэрэг асуудалд зоригтой дуугарах хэрэгтэй. АН эрх баригч намын халаасанд орж, эрх мэдэлд бялуураад дуу нь гарахаа байсан. Их хуралд байгаа хүмүүс дугарахгүй бол Их хурлын гаднаас дуу хоолойгоо өргөх гэж сонгуульд оролцлоо. Өнөөдөр 378 найзууддаа Ардчиллын төлөө зүрх сэтгэлээсээ нэг удаа санал өгье гэж уриалмаар байна. Миний ард ямар нэгэн фракц, том ах байхгүй. Ардчиллын төлөө намын даргад нэр дэвшиж байгаа. Надад ардчилсан нам юу өгөх вэ бус би ардчиллын төлөө юу хийж чадах вэ гэж бодож нэр дэвшиж байна. Энэ намыг бодсоноо ярьдаг бус бодлогод суурилсан нам болгоно” гэв.
ШУУД ҮЗЭХ:
