Иргэний зориг, ногоон намын Улс төрийн зөвлөл ирэх есдүгээр сарын 1-ний 19.00 цагт хуралдах талаар бид өмнө нь мэдээлсэн.
Хуралдаанаар
- Г.Занданшатарын Засгийн газартай ИЗНН хамтран ажилласан хугацааны үр дүн, ажлын хэрэгжилт, цаашид авч хэрэгжүүлэх арга хэмжээ
- Ирэх есдүгээр сарын 14-нд болох намын ээлжит бус Их хурлын бэлтгэл ажлын талаар
- 2027 оны Ерөнхийлөгчийн сонгуультай холбогдуулан байгуулагдсан Бодлогын зөвлөлийн ажлын явцыг хэлэлцэнэ. Мөн УИХ-ын гишүүн М.Нарантуяа-Нара өөрийн цахим хуудастаа "Засгийн газарт хамтрахаа болих саналыг минь ИЗНН-ын дарга Б.Батбаатар хүлээн авсан" хэмээн мэдэгдээд буй.
Уг мэдээлэлтэй холбоотойгоор ИЗНН-ыг Засгийн газраас гарч, Байгаль орчин, уур амьсгалын өөрчлөлтийн сайдын ажлыг хүлээлгэн өгөх нь гэх мэдээлэл гарсан. Тэгвэл ИЗНН нь Улс төрийн зөвлөлийн хурлаа зарласан шалтгаан нь тодорхой албан албан тушаалын тохироог хийж чадаагүйтэй холбоотой аж. Тодруулбал, Б.Батбаатар нь өнгөрсөн долоо хоногийн баасан гарагт /2028.08.22/ Байгаль орчин, уур амьсгалын өөрчлөлтийн яамны Төрийн нарийн бичгийн даргын үүрэг гүйцэтгэгчээр Т.Золбаярыг томилсон. Харин Т.Золбаяр нь ажлаа авсан даруйдаа Б/221 тоот тушаал гаргаж Тусгай хамгаалалттай газар нутгийн бодлогын хэрэгжилтийн газрын даргын албан үүргийг түр орлон гүйцэтгэгч Д.Батцогтыг энэ сарын 26-нд чөлөөлж, оронд нь Ц.Уранчимэгийг томилсон байна.
Д.Батцогтын хувьд ЗГХЭГ-ын дарга С.Бямбацогтын баз бөгөөд УИХ-ын гишүүнээр ажиллаж байсан юм. Ийнхүү базыг нь ажлаас чөлөөлсөн гэж С.Бямбогтын зүгээс Б.Батбаатар сайдад шахалт үзүүлж, өнгөрсөн лхагва гарагт Засгийн газрын хурлаар жинхлэх байсан ТНБД-ын томилгоонд нь хаалт тавьсан, эдгээр нь ИЗНН-ыг Засгийн газраас гарахад хүргэжээ.
.jpg)
