БНХАУ-ын дарга Ши Жиньпинийг ойрын хугацаанд Монголд айлчлах талаар Зам тээврийн сайд Б.Дэлгэрсайхан манай сайтад өгсөн тодруулгынхаа үеэр онцлов. Тодруулбал, тэрбээр "Удахгүй БНХАУ-ын төрийн тэргүүн айлчилна. Энэ үеэр "Гашуунсухайт-Ганцмодны боомтоос гадна бусад боомтуудыг төмөр замаар холбох асуудлыг ярилцана" гэсэн.
Тэрбээр мөн Гашуунсухайт-Ганцмодны хил холбох төмөр замын ажил 16 жил гацсан. Энэ алдаагаа давтаж болохгүй. Одоо дээрх боомтуудыг холбох төмөр замын ажлыг 235 сая доллар буюу 848 тэрбум төгрөгөөр хийж байна. Ажил тасралтгүй үргэлжилж байгаа бөгөөд нийт 2341 баганан суурь босгохоос 114 нь боссон байна. Хугацаанаас нь өмнө дуусгах төлөвлөгөөтэй байгаа. БНХАУ-ын тал мөнгөө гаргаад хийж байгаа, өнөөдрийн байдлаар монголчуудаас нэг ч төгрөг гараагүй. 848 тэрбумаас 200, 300 саяынх нь ажлыг манайхан хийнэ. Энэ төмөр зам ашиглалтад орвол жил бүр уурхай дээрээсээ 20 сая тонныг, нарийн цариг дээрээсээ 10 сая тонн нүүрсийг гаргана гэж мэдэгдсэн юм.
