Өчигдөр /2025.08.28/ хуралдсан АН-ын Үндэсний бодлогын хорооны хурлаар Л.Гантөмөрийн намын даргаас чөлөөлөгдөх хүсэлтийг нь хүлээн авсан. Улмаар УИХ-ын гишүүн С.Эрдэнэболдоор ахлуулсан 15 хүний бүрэлдэхүүнтэй дотоод сонгуулийн хороо байгуулагдаж, АН-ын даргад өрсөлдөх хүмүүсийн материалыг өнөөдөр /2025.08.29/-ийн 18:00 цаг хүртэл хүлээн авахаар болсон.
АН-ын даргад УИХ-ын гишүүн Ж.Баярмаа, О.Цогтгэрэл, Б.Пүрэвдорж нар өрсөлдөнө гэдгээ илэрхийлсэн. Тэгвэл 1980 оны намын залуучуудаа төлөөлж, УИХ-ын гишүүн Ө.Шижир АН-ын даргад өрсөлдөхөөр болсон гэх мэдээлэл байна. Тэрбээр 18 настай байхдаа АН-д гишүүнээр элсэж, өнөөдрийг хүртэлх хугацаанд сонгуулийн сайн менежер, Ерөнхийлөгчийн Тамгын газрын дарга зэрэг албан тушаалыг хашиж байсан туршлагатай нэгэн гэдэг.
