ЭМЯ цаг үеийн ээлжит мэдээллээ өргөтгөсөн байдлаар зохион байгуулж байна. Өргөтгөсөн хуралд АНУ-аас Монгол Улсад суугаа Элчин сайд, ДЭМБ-ын суурин төлөөлөгч, Эрүүл мэндийн сайд Д.Сарангэрэл, НҮБ-ын Хүүхдийн сангийн төлөөлөгчид оролцож байна.
Мэдээллийн эхэнд, АНУ-аас Монгол Улсад суугаа Онц бөгөөд Бүрэн эрхт Элчин сайд Майкл Клечески хэлэхдээ АНУ нь Олон улсын хөгжлийн агентлагаар дамжуулан Монгол Улсын Засгийн газарт дэмжлэг үзүүлэх зорилгоор 1.2 сая ам.доллар буюу 3.3 тэрбум төгрөг хандивлаж байгаа талаараа мэдээлэл хийв.
