Төрийн байгуулалтын байнгын хорооны хуралдаанаар Ерөнхий сайдад итгэл хүлээлгэх тухай тогтоолын төслийг хэлэлцэж байна.
ВИДЕО:
Энэ үеэр УИХ-ын гишүүн О.Номинчимэг "Орлогоо нотол асуудал яагаад Хамтарсан Засгийн газрын асуудал болчихов" гэдгийг тодуулахад Ерөнхий сайд Л.Оюун-Эрдэнэ "Гашуунсухайтад явж байхад хооронд ийм мэдээлэл гарч эхэлсэн. Хүү маань 23 настай. Нэгэн бүсгүйд хайртай болсон нь үнэн. Бие давхар болоод 17 сая төгрөгийн бөгж бэлэглэсэн. 500 мянгын бугуйвч бэлэглэсэн. Үүнийгээ АТГ-т тайлбар мэдүүлгээр өгсөн.
Монголд арав хүрэхгүй байдаг том машин авч өгсөн гэдэг нь худал мэдээлэл. Хуулийн байгууллага шалгаж байгаа зүйлийг би өмнөөс нь яриад байх шаардлагагүй гэж үзсэн. Дээр нь 23 настай хүүхдийг ингэ тэг гээд би заагаад байх хэцүү. Харин тайлбар хэлэхгүй удсан нь иргэдэд эргэлзээ төрүүлсэн алдаа байв уу даа гэж би өөртөө асуулт тавьж байгаа. Манай аав зураач хүн. Надад зурах авьяас байхгүй. Манай хүүд бол байдаг. Тэр сонирхлоорой контент хийгээд л явдаг хүн. Хүүгийнхээ амьдралд хөндлөнгөөс оролцох нь зохисгүй" хэмээн хариуллаа.
