Сүхбаатарын талбайд өчигдөр эхэлсэн жагсаал өнөөдөр /2025.01.12/ хоёр дахь өдрөө үргэлжлэх төлөвтэй байгаа юм. Төв талбайд цугласан иргэд өчигдөр Төв замын хөдөлгөөнийг хааж, Засгийн газар огцрохыг шаардаж байсан юм. Улмаар төрийн ордон руу дайрсан хэрэг явдал ч гарсан.
Тэгвэл жагсагчид өнөөдөр Их Тэнгэрийн амны замыг хааж, шаардлага тавина гэсэн талаар Gogo.mn сайт мэдээлсэн байна. Харин ЦЕГ-аас жагсаал цуглаанд оролцож байгаа иргэд, оюутан залуусыг аюулгүй байдлаа хангаж, гэмт хэрэг, зөрчилд өртөхөөс урьдчилан сэргийлж бусдын өдөөн хатгалгад авахгүй байх, цаашилбал хууль бус ажиллагаанд оролцохгүй байхыг анхааруулжээ.
