Netflix-ийн “Single’s Inferno” нь БНСУ-ын хамгийн өндөр үзэлттэй шоу нэвтрүүлэгт зүй ёсоор тооцогддог бөгөөд эхний гурван улирал үзэгчдийн хүртээл болсон.
Энэхүү нэвтрүүлэг нь ганц бие охид, залуус "там" хэмээн нэрлэгдсэн арал дээр амьдарч, өөрийн жинхэнэ хайраа олох боломжийг олгодог. Нэгнээ сонгосон хосууд диваажинд нэг шөнийг хамт өнгөрүүлэх боломжтой болох бөгөөд оролцогчдын санаанд оромгүй үйлдлүүд уг шоуг үзэх гол шалтгаан болдог юм. Улмаар тус шоуны 4-р бүлэг цацагдах талаар мэдэгдээд байсан бөгөөд хэзээнээс цацагдах нь тодорхойгүй байсан юм. Тэгвэл нэгдүгээр сарын 14-ний өдрөөс эхлэн “Single’s Inferno” шоу нэвтрүүлгийн дөрөвдүгээр улирал цацагдахаар болжээ.
