"Анна Каренина" жүжгийн тасалбар худалдаанд гарчээ. Л.Н.Толстойн “Анна Каренина” жүжиг энэ сарын 11-15-ны өдрүүдэд 5 -хан удаа тоглогдохоор болжээ.
Энэ удаад Аннагийн дүрд жүжигчин О.Хонгорзул, О.Энхтуул, Ардын жүжигчин Н.Сувд нар, Вронскийн дүрд жүжигчин Т.Сэргэлэн нар дахин тоглох юм байна.
Сануулахад, Оросын алдарт зохиолч Л.Н.Толстой "Анна Каренина" романыг 1873-1877 онд бичиж, 1878 онд бүрэн эхээр нь анх хэвлүүлсэн бөгөөд утга зохиол шүүмжлэгчид энэхүү зохиолыг бүх цаг үеийн хамгийн шилдэг зохиол хэмээн үнэлсэн билээ. "Анна Каренина" зохиолыг дэлхийн олон оронд орчуулж, сая сая уншигчдын хүртээл болсон төдийгүй жүжиг, кино болон урлагийн бусад хэлбэрээр олон дахин бүтээгдэж нэр алдрын оргилд хүрсэн сонгодог бүтээл юм. Уг зохиолд гол баатар Анна болон түүний бэр эгч Долли, Доллигийн дүү Кити хэмээх гурван эмэгтэйн хайр дурлал, сонголт, хувь тавилангийн тухай өгүүлнэ.
