Энэ сарын 26, 27-ны өдрүүдэд Хэнтийн уулархаг нутаг, Халх голын сав газраар цас орж, цасан шуурга шуурч, говь, тал нутгаар салхи, шуургатай, хүйтэн байх тул замын халтиргаа гулгаанаас сэрэмжтэй байхыг ЦУОШГ-аас анхааруулж байна.
Харин өнөөдөр буюу арваннэгдүгээр сарын 26-ны өдөр цаг агаараас шалтгаалж, орон нутгийн замуудын нөхцөл байдлыг Зам тээврийн хөгжлийн төвөөс мэдээллээ. Тодруулбал, Улаанбаатар, Хөшигийн хөндийн тууш замд замын үзлэг хийж, цасыг цэвэрлэж байгаа бол Ховд-Алтай чиглэлийн 187 дахь км орчимд халтиргаа, гулгаа үүссэн тул давс цацах ажлыг зохион байгуулж байна. Түүнчлэн Улаанбаатар Мандалговь чиглэлд тэнгэр бүүдгэр, цасан шуурга шуурч байгаа тул үзэгдэх орчин хязгаарлагджээ. Иймд иргэд, малчид, тээвэрчид урьдчилан сэргийлж, зайлшгүй тохиолдлоос бусдаар хөдөө орон нутгийн замд зорчихгүй байхыг зөвлөж байна.
