"Чингис хаан" олон улсын нисэх буудал өнөөдөр /2024.11.25/ 2 сая дахь зорчигчоо хүлээн авлаа. Тодруулбал, ОМ224 аялалын дугаартай Бээжин-Улаанбаатар чиглэлийн нислэгээр хүрэлцэн ирсэн зорчигч Т.Ганхөлөг "Чингис хаан" олон улсын нисэх буудлын 2 сая дахь зорчигчоор тодорчээ. Түүнчлэн энэхүү үйл явдал нь Монгол Улсад агаарын тээврийн салбарт нэг жилийн хугацаанд хоёр сая зорчигч хүлээн авсан анхны тохиолдол болж байгаа аж. Нисэх буудлын хамт олон 2 сая дахь зорчигчдоо тодруулахын зэрэгцээ тус нислэгээр хүрэлцэн ирсэн нийт зорчигчдийг цэцэгт мэндчилгээгээр угтан авч, хүндэтгэл үзүүлжээ.
