ДЭМБ-аас сайн нүдэндээ эмчилгээ хийлгэснээс, эсвэл хугарлын гажгийг стандартаар зассаны дараа харааны үйл ажиллагаа нь алдагдсан хүнийг сул хараатай гэж тодорхойлдог байна.
Түүнчлэн сул хараа нь компьютер дэлгэц их ширтэх нүд рүү юм орох гэх мэт механик гэмтлээс шалтгаалж бий болох тохиолдол байдаг бөгөөд хүүхдийн хэвийн хөгжил болон боловсрол насанд хүрэгчдийн өдөр тутмын амьдралд бэрхшээл болдог юм. Мөн Монголд эдгээр харааны бэрхшээлтэй хүмүүст зориулсан байгууллага байгаагүй билээ. Тэгвэл анхны “Сул харааны төв”ийг АШУҮИС-ийн төв эмнэлэгт өнөөдөр буюу /2024.11.18/-ий өдөр 11:40 цагаас нээхээр боллоо.
