Эрүүл мэндийн яамнаас өнөөдөр /2024.11.04/ томуу, томуу төст өвчний нөхцөл байдлын талаар мэдээлэл өглөө.
Энэ талаар Эрүүл мэндийн яамны Нийгмийн эрүүл мэндийн бодлогын газрын дарга Л.Баттөр ярихдаа, “Томуу, томуу төст өвчнөөс урьдчилан сэргийлэхийн тулд есдүгээр сараас эхлэн 320 мянган тун вакциныг зорилтот бүлгүүдэд хийж эхэлсэн. Өнөөдөр вакцинжуулалт 100 хувьд хүрсэн байх ёстой ч 90 хувьтай байна. 1 тун вакцин 26 мянган төгрөгийн үнэтэй. Хүүхэд өвдөөд эмийн сангаас эм авахад 100-200 мянган төгрөг болдог. Тиймээс ард иргэд, зорилтот бүлгийнхэн вакцинжуулалтдаа идэвхтэй оролцох хэрэгтэй байна.
Энэ жилийн хувьд бид “Ханиадаас хамтдаа сэргийлье” уриан дор томуу, томуу төст өвчнөөс урьдчилан сэргийлэх арга хэмжээг зохион байгуулж байгаа. Учир нь амьсгалын замын өвчнөөс бид хамтдаа урьдчилан сэргийлэх боломжтой. Үүний тулд, маскаа зүүж, гараа ариутгаж, вакциндаа хамрагдах шаардлагатай. Иргэд, олон нийт урьдчилан сэргийлэх энэ мэт дадлыг өдөр тутам хэрэгжүүлж чадвал эмнэлгийн ор дэлгэлт бага, эмнэлгийн коридорт хүүхэд гаргахгүй байх боломж бидэнд бүрэн байна” гэсэн юм.
.jpg)
