Өнөөдөр /2024.10.27/ ихэнх нутгаар цаг агаар тогтуун, өдөртөө бага зэрэг дулаан байна. Маргааш буюу энэ сарын 28-нд төвийн аймгуудын ихэнх нутаг, зүүн аймгуудын нутгийн баруун хэсгээр, энэ сарын 29-нд Алтай, Хангайн уулархаг нутаг болон Халх голын сав газраар, энэ сарын 30-нд баруун болон төвийн аймгуудын нутгийн зарим газраар, энэ сарын 31-нд нутгийн хойд хэсгээр хур тунадас орно.
Салхи ихэнх хугацаанд секундэд 6-11 метр, энэ сарын 29-нд Алтайн салбар уулсаар, энэ сарын 30-нд нутгийн зарим газраар секундэд 14-16 метр хүрч ширүүснэ.
Завхан голын эх, Хүрэнбэлчир орчмоор шөнөдөө -13...-18 градус, өдөртөө 0...-5 градус, Хангай, Хөвсгөл, Хэнтийн уулархаг нутаг, Идэр, Тэс, Орхон, Хараа, Ерөө, Туул, Тэрэлж, Улз, Халх голын хөндийгөөр шөнөдөө -8...-13 градус хүйтэн, өдөртөө 0...+5 градус, говийн бүс нутгийн өмнөд хэсгээр шөнөдөө 0…+5 градус, өдөртөө +10…+15 градус дулаан, бусад нутгаар шөнөдөө -3…-8 градус хүйтэн, өдөртөө +5…+10 градус дулаан байна. Ирэх долоо хоногийн лхагва гараг буюу энэ сарын 30-нд баруун болон төвийн аймгуудын нутгийн хойд хэсгээр хүйтэрнэ гэж Ус цаг уур орчны шинжилгээний хүрээлэнгээс мэдээллээ.
