Сүхбаатар аймгийн Асгат сумын “Өлзийт” багийн "Өндөр майнт" гэдэг газарт хээрийн түймэр гарсан тухай дуудлагыг энэ сарын 24-ны өдрийн 17:41 цагт Онцгой байдлын газарт ирүүлсэн байна. Дуудлагын дагуу 18:23 цагт Асгат сумын ЗДТГ-аас дөрвөн ажилтан, нэг автомашинтай, Сүхбаатар аймгийн ОБГ-ын ЭХАС-ын Бүлгийн дарга а/д Д.Төмөрбатараар ахлуулсан 9 алба хаагч нэг автомашинтай 19:36 цагт гарч түймрийг 20:47 цагт бүрэн унтраажээ. Урьдчилсан байдлаар 25,000 га талбай түймэрт өртсөн байна.
