Болбой буюу талбайгаас гадагш гарсан бөмбөгийг зөөдөг хүүхдүүд цаашдаа бөмбөгийг хөлбөмбөгчдөд дамжуулан өгдөг явдлыг хориглох шийдвэрийг Английн Премьер Лигийн удирдлага гаргажээ.
Учир нь, бөмбөг зөөдөг хүүхдүүд өөрийн багийн довтолгоог дэмжихийн тулд гадагш гарсан бөмбөгийг тоглогчдод маш хурдан өгөх, эсвэл гоолын харьцааг хадгалахын тулд бөмбөгийг өгөлгүй зориудаар саатуулдаг тохиолдлууд маш олон удаа гарч шударга бус байдал ихэссэн байна. Шинэ дүрмийн дагуу хөлбөмбөгчид хамгийн ойр байгаа конус хэлбэрт тэмдэглэгээний шонгийн дэргэдээс бөмбөгийг авч тоглолтыг дахин эхлүүлэх ёстой. Харин “Ball assistants” гэгддэг бөмбөг зөөгч хүүхдүүд тоглолтын үеэр уг конусанд ойр зогсож болохгүй, гэхдээ бөмбөгийг хоосон байгаа конусын дэргэд буцааж тавих үүрэгтэй болсон байна.
Эх сурвалж: Goal.com
