Ө.Сумъяабаатарыг Баянгол дүүргийн Засаг даргын албан тушаалаас нь огцруулах шийдвэрийг тус дүүргийн ИТХ-ын төлөөлөгчид өнгөрсөн хавар гаргасан байдаг. Харин Ө.Сумъяабаатар өөрийг нь огцруулсан Баянгол дүүргийн ИТХ-ын шийдвэрийг хүчингүй болгуулахаар Захиргааны хэргийн шүүхэд хандсан юм.
Өнгөрсөн дөрөвдүгээр сард /2023.04.28/ Ө.Сумъяабаатарын нэхэмжлэлийг хэлэлцэх эсэх Захиргааны хэргийн шүүхийн урьдчилсан хэлэлцүүлэг болж, “Баянгол дүүргийн ИТХ-ын шийдвэрийг түдгэлзүүлэх тухай” хүсэлтийг хэрэгсэхгүй болгож шийдвэрлэсэн. Тэгвэл тэрбээр үүний дараа давж заалдаж, буцаж ажилдаа томилогдсон байна. Эх сурвалжийн мэдээлж буйгаар тэрбээр тамга, тэмдгээ хүртэл авчээ.
