Өчигдөр /2023.09.25/ болсон АН-ын дэргэдэх Ардчилсан эмэгтэйчүүдийн холбооны тэргүүний гол өрсөлдөөн УИХ-ын гишүүн А.Адъяасүрэн болон Фортуна Н.Батбаярын охин Жаргалан нарын дунд болсон. Тодруулбал, эхний санал хураалтаар Б.Жаргалан 285 хүний санал, А.Адъяасүрэн 221 хүний санал авсан тул хоёр дахь шатны санал хураалтыг болж, АЭХ-ны ерөнхийлөгчөөр Б.Жаргалан тодорсон байгаа юм.
Тэгвэл А.Адъяасүрэн ялалт байгуулсан Б.Жаргаланд амжилт хүсчээ. Тэрбээр “Ардчиллыг хөгжүүлэх алдаа, оноотой 33 жилд эрх чөлөө, эрхэмсэг чанараасаа няцалгүй Монгол орныхоо хязгаар нутаг бүрт ажил амьдралаа авч явахын зэрэгцээ, эрх чөлөөт үзэл санаагаа хамгаалсаар ирсэн бүх үеийн эмэгтэйчүүддээ хүндэтгэл илэрхийлж, эрүүл энх сайн сайхныг ерөөе. Ардчилсан үзэл санааг дэмжигч эмэгтэйчүүдээ төлөөлөн ирж АЭХ-ыхооирэх жилүүдийн бодлого менежментийг сонгосон нийт эмэгтэйчүүд, миний санаа төлөвлөгөөг дэмжиж саналаа өгсөн эмэгтэйчүүддээ их баярлалаа. АЭХ-ыхоо ирээдүйг хамтдаа бүтээцгээе. Шинэ удирдлагад амжилт хүсье” гэжээ.
