Монгол Улсын ЕТГ-аас Монгол Улсын Ерөнхийлөгчийн 43 тоот зарлигийн хэрэгжилт, түүний үр дүн, цаашид авах арга хэмжээний талаар мэдээлэл хийлээ.
Хуралд МУ-ын Ерөнхийлөгчийн Эрүүл мэнд, спорт, нийгмийн бодлогын зөвлөх, анагаах ухааны доктор Т.Мөнхсайхан, Нийслэлийн цагдаагийн удирдлагын газрын дэд дарга, цагдаагийн хурандаа Б.Оюутболд , ЕТГ-ын” Эрүүл монгол хүн” төслийг хариуцсан албаны дарга, доктор О.Чимэдсүрэн нар оролцож мэдээлэл өглөө.
Монгол Улсын Ерөнхийлөгчийн зөвлөх Т.Мөнхсайхан, “Монгол Улсад архи согтууруулах ундааны хэрэглээ :жил ирэх тусам нэмэгдэж, сүүлийн 10 жилийн байдлаар 3.2 дахин нэмэгдсэн байна. Иймд МУ-ын Ерөнхийлөгч архи, согтууруулах ундааны хэрэглээг багасгах 43 тоот зарлигийг гаргасан. Үүний үр дүнд МУ-д хэрэглэгдэж байгаа согтууруулах ундааны хэрэглээ анх удаа буурсан үзүүлэлт гарлаа. 2023 оны эхний найман сарын байдлаар 2022 онтой харьцуулахад архи, согтууруулах ундааны борлуулалт 2 сая литрээр багассан байна. 2022 онд 16 сая литр борлуулагдаж байсан бол 2023 оны байдлаар 14 сая литр болж багссан байна. Ингэхдээ бага градустай согтууруулах ундааны хэрэглээ нэмэгдэж, өндөр градустай согтууруулах ундааны хэрэглээ багссан байна. Бидний авч хэрэгжүүлсэн гол өөрчлөлтийн нэг бол бага градустай согтууруулах ундааны градусыг буулгах бодлогыг барьсан.
2023 оны хувьд 34-36 градустай согтууруулах ундааны хэрэглээ хамгийн өндөр буюу өнгөрсөн жилүүдэд хамгийн их борлуулалттай байсан 38 градустай архины хэрэглээ багссан тоон мэдээлэл гарсан.
Түүнчлэн архины хэрэглээг бууруулах тусгай сан байгуулах талаар зарлигт тусгагдсан. Энэ сан байгуулагдсанаас хойш 4 тэрбум төгрөг цугларч, эхнээсээ согтууруулах ундааны хэрэглээг багасгах нөлөөний ажил, донтсон хүмүүсийн эмчилгээний зардалд тусгагдаад явж байгаа. Бидний хамгийн гол зорилго бол архи, согтууруулах ундааны хэрэглээг багасгаж, нийгэмд үзүүлэх нөлөөллийг багасгах юм. Улмаар 2023 оны байдлаар 2022 оны мөн үетэй харьцуулахад согтуугаар үйлдэгдсэн гэмт хэргийн зөрчил 15.8 хувиар буурсан байна.
ҮЗЭХ:
